ძლიერი კრიტიკა FIFA-ს! - რატომ შეუტიეს ჯანი ინფანტინოს

ევროპარლამენტის წევრებმა გააკრიტიკეს ფიფას პრეზიდენტი ჯანი ინფანტინო 15 წლამდელთა მსოფლიო ჩემპიონატზე რუსი ფეხბურთელების დაშვების გამო, იტყობინება Politico.

„მოვუწოდებთ ფიფას დაიკავოს მშვიდობის პოზიცია და არა რუსეთის დამშვიდების“, - ნათქვამია გამოქვეყნებულ წერილში.

ევროპელი პარლამენტარების თქმით, რუსეთისთვის შეჯიბრებებში მონაწილეობის ნებართვამ შეიძლება გამოიწვიოს ფიფას სხვა წევრი ქვეყნების მიერ ტურნირის ბოიკოტი, რაც „დაამახინჯებს ფიფას შეჯიბრებებს, სადაც აღარ იმოქმედებს პრინციპი, რომ უძლიერესი გუნდი იმარჯვებს“. უკრაინის ფეხბურთის ასოციაციამ ადრე განაცხადა, რომ არ მიიღებს მონაწილეობას იმ შეჯიბრებებში, რომლებშიც რუსეთი მონაწილეობს.

15 წლამდელთა მსოფლიო თასი 22-დან 31 ოქტომბრამდე აზერბაიჯანში ჩატარდება. ეს ტურნირი იქნება ფიფას ეგიდით გამართული პირველი საერთაშორისო შეჯიბრი, 2022 წლის შემდეგ, რომელშიც რუსი ფეხბურთელები მიიღებენ მონაწილეობას.