გაირკვა, თუ რატომ დატოვა ხვიჩა კვარაცხელიამ "ნაპოლი" სინამდვილეში

"ნაპოლის" პრეზიდენტმა აურელიო დე ლაურენტისმა მანჩესტერ სიტისთან მატჩის წინ Sky Sport-თან ისაუბრა, სადაც კომენტარი ხვიჩა კვარაცხელიაზეც გააკეთა.

მისი თქმით, იანვარში ის აუცილებლად უნდა გაეყიდათ, რადგან არსებობდა რისკი, რომ ფეხბურთელსა და აგენტს გამოეყენებინათ ფიფას მე-17 მუხლი, რის საფუძველზეც კვარაცხელია ნაპოლის დატოვებას უფასოდ შეძლებდა.

"შესაძლოა კონტე ღელავდა, რომ კვარა გავყიდე, მაგრამ მე არ შემეძლო მე-17 მუხლი რისკის ქვეშ დამეყენებინა. 

"არ შემეძლო ფეხბურთელისა და მისი აგენტისთვის ეს სიამოვნება მიმენიჭებინა. ამიტომ, იანვარში აუცილებლად უნდა გაგვეყიდა. 

"საბოლოოდ, სან ჯენარომ თავისი გააკეთა: კონტესა და ამ ბიჭებთან ერთად ჩემპიონები გავხდით", - თქვა დე ლაურენტისმა.